Baraza la Mitihani la Tanzania linapenda kuwajulisha watu wote wanaotarajia kufanya Mitihani ya Kidato cha Nne (CSEE) na Upimaji wa Kitaifa wa Kidato cha Pili (FTNA), mwaka 2025 kama Watahiniwa wa Kujitegemea kwamba:
- Kipindi cha usajili kwa Watahiniwa wa Kujitegemea kimeanza tarehe 01/01/2025 hadi 28/02/2025.
- Ada ya usajili ni Shilingi 50,000/= kwa Mitihani ya Kidato cha Nne (CSEE) na Shilingi 10,000/= kwa Upimaji wa Kitaifa wa Kidato cha Pili (FTNA).
- Aidha, watahiniwa watakaosajili kwa kuchelewa kuanzia tarehe 01/03/2025 hadi 31/03/2025 watalipa Shilingi 65,000/= kwa ajili ya Mitihani ya Kidato cha Nne (CSEE) na Shilingi 15,000/= kwa ajili ya Upimaji wa Kitaifa wa Kidato cha Pili (FTNA) ikiwa ni ada ya kawaida pamoja na faini.
- Kabla ya kusajiliwa na Mkuu wa Kituo kwenye mtandao, waombaji wanapaswa kwenda kwenye Vituo vya Mitihani kuchukua namba rejea (reference numbers) zinazotolewa bure na kufanya malipo ya ada kupitia Benki kwa kutumia Control Number.
- Ufafanuzi kuhusu utaratibu na hatua za kufuata katika kutengeneza Control Number na kujisajili, umetolewa katika tovuti ya Baraza la Mitihani la Tanzania: www.necta.go.tz.
- Aidha, kwa watahiniwa ambao hawataweza kutumia mfumo huo wapige simu 0738785945 kwa msaada zaidi.
- Waombaji wote wasisitizwe kuhakikisha wanajisajili mapema kwani mfumo wa usajili utafungwa mara baada ya kipindi cha usajili kukamilika.
Imetolewa na:
KATIBU MTENDAJI
Makala zaidi:
